PM Modi: ప్రధాని నరేంద్ర మోదీ కేదార్నాథ్ ధామ్ చేరుకున్నారు. ఇక్కడ పలు ప్రాజెక్టులకు శంకుస్థాపన, ప్రారంభోత్సవాలు చేయనున్నారు. ముందుగా ప్రధాని మోదీ కేదార్నాథ్ ధామ్‌లో శివుడిని పూజించనున్నారు. అనంతరం ఇటీవల నిర్మించిన ఆదిగురువు శంకరాచార్యుల సమాధి స్థలంలో శంకరాచార్య విగ్రహాన్ని ఆయన ఆవిష్కరించనున్నారు. దేశ వ్యాప్తంగా 87 ప్రధాన ఆలయాలు, పుణ్యక్షేత్రాల్లో ప్రధానమంత్రి ప్రసంగం ప్రత్యక్ష ప్రసారం కానుంది.
ప్రధానమంత్రి పర్యటనను చిరస్మరణీయం చేయాలని బీజేపీ కోరుకుంటోంది
ఈ చారిత్రాత్మక సందర్భాన్ని చిరస్మరణీయంగా మార్చేందుకు బీజేపీ దేశవ్యాప్త కార్యక్రమాన్ని ప్లాన్ చేసింది. దీని కింద చార్ ధామ్‌లు, పన్నెండు జ్యోతిర్లింగాలు మరియు ప్రధాన ఆలయాలు, మొత్తం 87 పుణ్యక్షేత్రాలపై ప్రధాని ప్రసంగం ఎల్‌ఈడీ మరియు పెద్ద స్క్రీన్‌లో ప్రత్యక్ష ప్రసారం చేయబడుతుంది. ఈ ఆలయాలన్నీ శ్రీ ఆదిశంకరాచార్యుల ప్రయాణ మార్గంలో దేశమంతటా స్థాపించబడ్డాయి.
ప్రధానమంత్రి కేదార్‌నాథ్‌లో కోట్ల విలువైన ప్రాజెక్టులకు శంకుస్థాపన చేసి, ప్రారంభోత్సవం చేయనున్నారు ఉత్తరాఖండ్‌లో దాదాపు 250 కోట్ల రూపాయలతో పూర్తి చేసిన వివిధ మౌలిక సదుపాయాలను కూడా ఆయన ప్రారంభించనున్నారు. దాదాపు మూడున్నర గంటల పాటు ప్రధాని మోదీ కేదార్‌నాథ్‌లో ఉంటారని అధికారులు తెలిపారు. ఉదయం 11.15 గంటలకు కేదార్నాథ్ నుంచి బయలుదేరుతారు.
Also Read:దీర్ఘకాలిక కరోనా ఉందా లేదా తెలుసుకునేందుకు రక్తపరీక్ష చాలు..నిపుణులు ఇలా అంటున్నారు..
